52 پولیو کیسز کا رپورٹ ہونا تشویشناک ہے، بچوں کے حقوق کا خیال رکھنا انہیں بہتر تعلیم دینی ہوگی، میڈیا سے گفتگو
کراچی (الفجر آن لائن) وزیر اعلی سندھ مراد علی شاہ نے کہا ہے کہ سندھ کے حصے کے پانی کا ایک قطرہ کہیں جانے نہیں دیں گے،52 پولیو کیسز کا رپورٹ ہونا تشویشناک ہے، بچوں کے حقوق کا خیال رکھنا انہیں بہتر تعلیم دینی ہوگی۔ کراچی میں میڈیا سے گفتگو کرتے ہوئے وزیرِ اعلی سندھ مراد علی شاہ نے کہا کہ پانی کے معاملے پر سندھ کاموقف واضح ہے کہ ہم صوبے کے حصے کے پانی کا ایک قطرہ کہیں جانے نہیں دیں گے۔انہوں نے کہا کہ سندھ میں پیپلز پارٹی کی دو تہائی اکثریت ہے، مسلم لیگ (ن) کے ساتھ تحفظات بلاول بھٹو نے تفصیل سے بتائے، ان کیساتھ تحفظات بات چیت سے دور کرنا چاہتے ہیں۔انہوں نے کہا کہ ملک میں پولیو کے 52 کیسز رپورٹ ہونا تشویشناک ہے، مل کر بیماری کا خاتمہ کریں گے۔ انہوں نے کہا کہ ہمیں بچوں کے حقوق کا خیال رکھنا انہیں بہتر تعلیم دینی ہوگی۔ انہوں نے کہا کہ سابق وزیراعظم شہید بے نظیر بھٹو نے پولیو کے خاتمے کیلئے انقلابی اقدامات کئے تھے۔
