پولیس،رینجرز آپریشن میں کسی قسم کا آتشی اسلحہ استعمال نہیں کیا گیا
اسلام آباد (الفجر آن لائن) سیکیورٹی ذرائع نے پی ٹی آئی احتجاج میں مظاہرین کی اموات کی خبروں کو من گھڑت قرار دے دیا۔سیکیورٹی ذرائع کے مطابق سوشل میڈیا پر چند لوگوں کی جانب سے جھوٹا پروپیگنڈا کیا جا رہا ہے کہ احتجاج کے دوران قانون نافذ کرنیوالے اداروں کی شیلنگ سے کئی مظاہرین کی اموات ہوئی ہیں۔سیکیورٹی ذرائع نے کہا کہ مظاہرین کی اموات کی خبروں میں صداقت نہیں، ناکامیاں اور کوتاہیاں چھپانے کیلئے جھوٹا پروپیگنڈا کیا جا رہا ہے۔سیکیورٹی ذرائع نے واضح کیا کہ رات گئے پولیس اور رینجرز کے آپریشن میں کسی قسم کے آتشی اسلحے کا استعمال نہیں کیا گیا۔
