اسلام آباد (الفجرآن لائن)پاکستان کی آئی ٹی برآمدات میں ایک ماہ میں ریکارڈ اضافہ دیکھا گیا ہے،پاکستان کی آئی سی ٹی برآمدات میں مئی 2024 میں 33 کروڑ ڈالرز کا ریکارڈ اضافہ ہوا ،ذرائع کے مطابق سال مئی کے مہینے کے مقابلے میں 40.7 فی صد اضافہ ہوا ہے، جولائی 2023 سے مئی 2024 کے دوران آئی ٹی برآمدات 2.925 ارب ڈالرز تک پہنچ گئی ہیں،گزشتہ مالی سال کے اسی عرصہ کے دوران آئی ٹی برآمدات 2.371 ارب ڈالرز تھیں۔
وزیر مملکت آئی ٹی شزہ فاطمہ نے کہا کہ موجودہ حکومت کی توجہ آئی ٹی سیکٹر کی ترقی پر مرکوز ہے، آئی ٹی برآمدات کے اضافہ میں ایس آئی ایف سی، پی ایس ای بی کا کردار لائق تحسین ہے،وزیر اعظم کی ہدایت پر آئی ٹی برآمدات کے اضافہ کے لیئے بھرپور اقدامات جاری ہیں،آئندہ مالی سال میں آئی ٹی سیکٹر کے بجٹ میں اضافہ کیا گیا ہے، آئی ٹی بجٹ میں اضافہ آئی ٹی برآمدات میں اضافہ کے لیئے مدد گار ہوگا، اس بجٹ میں ڈیجیٹل انفراسٹرکچر انفارمیشن کے منصوبوں کے لیئے 20 ارب مختص کیئے گئے ہیں۔
