یمن اور غزہ میں بھی صہیونی فوج کی جارحیت جاری، حملوں میں 32 افراد شہید،29 زخمی
بیروت(الفجرآن لائن) بیروت میں گزشتہ 24 گھنٹوں کے دوران جاری اسرائیلی حملوں میں مزید 105 افراد شہید ہوگئے۔غیر ملکی میڈیا کے مطابق لبنان کی وزارت صحت نے بتایا ہے کہ گزشتہ 24 گھنٹوں کے دوران لبنان کی وادی بقاع عین الدلب سمیت دیگر علاقوں میں اسرائیلی فورسز کی بمباری کے نتیجے میں مزید 105 افراد شہید جبکہ متعدد زخمی ہوگئے ہیں۔عرب میڈیا کے مطابق اسرائیل فوج بھاری جنگی ہتھیاروں اور اسلحہ بردار گاڑیوں کے ہمرا ہ لبنانی سرحد کی جانب پیش قدمی کررہی ہے جس سے بڑے زمینی حملے کا امکان ہے۔
دوسری جانب اسرائیلی فوج نے حزب اللہ کے 120 ٹھکانوں کو نشانہ بنانے کا دعویٰ کیا ہے، یمن میں بھی اسرائیلی فوج کی بمباری سے 4 افراد شہید اور 29 زخمی ہوئے ہیں جبکہ غزہ میں اسرائیلی حملوں میں مزید 28 فلسطینی شہید ہوگئے ہیں۔
