گرفتار خوارج متعدد دہشت گرد حملوں میں ملوث،سیکیورٹی فورسز،شہریوں کو نشانہ بنانے کی منصوبہ بندی کر رہے تھے، آئی ایس پی آ ر
راولپنڈی (الفجرآن لائن) ژوب اور پشین میں سیکیورٹی فورسز کے کامیاب آپریشنز میں 2خوارج ہلاک،5 کو گرفتار کرلیا گیا۔آئی ایس پی آر کی جانب سے جاری بیان کے مطابق 17اکتوبر کو بلوچستان کے ضلع ژوب میں سیکیورٹی فورسز اور خوارج کے درمیان فائرنگ کے تبادلے میں 2 خوارج مارے گئے، علاقے میں کلیرنس آپریشن کے دوران بڑی تعداد میں اسلحہ اور گولہ بارود برآمد کیا گیا ہے۔آئی ایس پی آر کے مطابق 18اکتوبرکو سیکیورٹی فورسز نے ضلع پشین میں خوارج کی موجودگی کی اطلاع پر کامیاب خفیہ آپریشن کیا، اس دوران 5خوارج کو گرفتار کیا گیا، دوران آپریشن بڑی تعداد میں ہتھیار، گولہ بارود اور دھماکہ خیز مواد سمیت 3خودکش جیکٹس برآمد کی گئیں۔ بیان کے مطابق گرفتار خوارج متعدد دہشت گرد حملوں میں ملوث تھے اور سیکیورٹی فورسز وبیگناہ شہریوں کو نشانہ بنانے کی منصوبہ بندی کر رہے تھے۔ آئی ایس پی آ ر کے مطابق سیکیورٹی فورسز ملک سے دہشت گردی کے خاتمے اور بے گناہ شہریوں کو اس لعنت سے بچانے کیلئے عزم ہیں۔
