اسلام آباد (الفجر آن لائن) آپریشنل وجوہات کے بعد اب دھند کے باعث پروازیں منسوخ و تاخیر کا شکا ہونے لگیں۔ایوی ایشن ذرائع کے مطابق دھند کے باعث جدہ سے ملتان کی غیر ملکی ایئر لائن کی 2پروازوں ایس وی 800اور 801 کو منسوخ کر دیا گیاجبکہ ملک بھر میں 36 پروازیں منسوخ کردی گئیں،دبئی سے ملتان کی نجی ایئر لائن کی پرواز پی اے 811کو کراچی اتارا گیا، کراچی سے ملتان کی پرواز پی کے 330کو لاہور لینڈ کرایا گیا،شارجہ سے فیصل آباد کی غیر ملکی ایئر لائن کی پرواز جی 9562لاہور ایئر پورٹ پر اتاری گئی۔ملتان سے دبئی کی غیر ملکی ایئر لائن کی پرواز ایف زیڈ 326پونے 3گھنٹے تاخیر،فیصل آباد سے شارجہ کی پرواز ایف زیڈ 392میں 3گھنٹے تاخیر،کراچی سے اسلام آباد کی پرواز پی کے 300تین گھنٹے سے زائد تاخیر،اسلام آباد سے کراچی کی پرواز پی کے 301-
3گھنٹے تاخیر سے روانہ ہو ئی۔ اسی طرح کراچی سے فیصل آباد کی پرواز پی کے 340،جدہ، استنبول اور کولمبو کی کراچی کی 10پروازوں کی آمد و روانگی میں بھی تاخیر ہوئی۔اسلام آباد سے کوئٹہ کی پروازیں پی کے 325اور 326چار گھنٹے تاخیر،اسلام آباد سے نجف، جدہ، بحرین، شارجہ، کوالالمپور اور دبئی کی پروازوں میں بھی تاخیر ہوئی۔
