اسلام آباد میں بھی 13 پی ٹی آئی کارکنان کو حراست میں لے لیا گیا
اسلام آ باد /ملتان /چیچہ وطنی(الفجر آن لائن)پولیس نے اسلام آباد احتجاج میں شرکت کیلئے جانے والے پی ٹی آئی رہنما زین قریشی، عامر ڈوگر اور رائے حسن نواز خان،معین الدین قریشی اور رانا طفیل نون کو گرفتار کر لیا ۔پولیس نے ملتان سے رکن قومی اسمبلی عامر ڈوگر کو اسلام آباد جاتے ہوئے گرفتار کر کے انہیں نامعلوم مقام پر منتقل کردیا گیا جبکہ چیچہ وطنی سے پی ٹی آئی کے ایم این اے رائے حسن نواز خان کو پولیس گاڑی سمیت اپنے ہمراہ لے گئی۔
ادھر اسلام آباد میں بھی پولیس کی جانب سے پی ٹی آئی کارکنان کو گرفتار کیا جارہا ہے، پولیس نے فیض آباد کے مقام سے 13 پی ٹی آئی کارکنان کو حراست میں لے لیا۔ آئی جی اسلام آباد علی ناصر رضوی کا کہنا ہے کہ ہمارا مقصد لوگوں کی جان،مال اور عزت کی رکھوالی ہے، چاہتے ہیں کوئی شرانگیزی یا ایسا کام نہ ہو جس سے لوگوں کو نقصان ہو، کسی کے پاس اسلحہ یا غیر قانونی چیز ہوگی توایکشن لیا جائے گا، سی ٹی ڈی کا آپریشن بھی جاری ہے، ہم نے اسلام آباد میں ایک مربوط سکیورٹی پلان تشکیل دیا ہے، ایئرپورٹ آنے اور جانے والوں کیلئے کوئی مسئلہ نہیں، کوئی روڈ بند ہے تو اس کے ساتھ ایک لین کو کھلا رکھا ہے۔ انہوں نے مزید کہا کہ اسلام آباد پولیس 7/24 کی پالیسی پر یقین رکھتی ہے۔
