لندن(الفجر آن لائن) برطانیہ میں طوفان برٹ کے باعث مختلف واقعات میں ہلاکتوں کی تعداد 5 ہو گئی،روڈ، ریل، ائیر، فیری سروس متاثر ہو گئی۔غیر ملکی میڈیا کے مطابق طوفان برٹ کے سبب شدید بارشیں ہونے کے بعد نظام زندگی درہم برہم ہوگیا، لندن سے ویسٹ انگلینڈ اور ویلز تک آمدورفت میں متاثرہے۔ جنوبی ویلز میں مختلف مقامات پر 100 ملی میٹر تک بارش ہوئی جب کہ اسکاٹ لینڈ میں 70 میل فی گھنٹہ کی رفتار والی شدید ہواں کی وارننگ بھی جاری کی گئی ہے۔ انگلینڈ میں 161 فلڈ وارننگز اور 213 فلڈ الرٹس جاری کیے گئے ہیں جب کہ ویلز میں 22 فلڈ وارننگز اور اسکاٹ لینڈ میں فلڈ کی 4 وارننگز جاری کی گئی ہیں۔
