یہ میرے شوہر نہیں ملک کے لیڈر کی بات ، پٹھان غیرتمند قوم، یقین ہے آخری وقت تک ساتھ دیں گے، ہزارہ انٹرچینج پر شرکاء سے خطاب
پشاور (الفجر آن لائن) بانی پی ٹی آئی کی اہلیہ بشری بی بی نے کہا ہے کہ عمران خان کیلئے آخری سانس تک کھڑی رہوں گی، رہائی تک مارچ ختم نہیں ہوگا، یہ میرے شوہر نہیں ملک کے لیڈر کی بات ہے، پٹھان غیرتمند قوم، یقین ہے آخری وقت تک ساتھ دیں گے۔ہزارہ انٹرچینج کے قریب احتجاج میں شامل افراد سے خطاب کرتے ہوئے بانی پی ٹی آئی عمران خان کی اہلیہ بشری بی بی نے کہا کہ جب تک عمران خان ہمارے پاس نہیں آ جاتے، مارچ ختم نہیں کریں گے۔
انہوں نے کہا کہ میں عمران خان کیلئے اپنی آخری سانس تک کھڑی رہوں گی، آپ لوگوں نے بھی میرا ساتھ دینا ہے، اگر آپ لوگ میرا ساتھ نہیں دیں گے میں تب بھی کھڑی رہوں گی کیونکہ یہ صرف میرے شوہر کی بات نہیں بلکہ یہ اس ملک اور اس ملک کے لیڈر کی بات ہے۔ انہوں نے کہا کہ مجھے امید نہیں یقین ہے کہ پٹھان غیرت مند قوم ہے اور آخری وقت تک ساتھ نہیں چھوڑتے۔
