اسلام آباد (الفجر آن لائن) اسلام آباد انتظامیہ نے پی ٹی آئی احتجاج کے دوران گرفتار ہونیوالوں کو رکھنے کیلئے سی آئی اے بلڈنگ آئی نائن کو سب جیل قرار دے دیا۔چیف کمشنر اسلام آباد کی جانب سے جاری نوٹیفکیشن کے مطابق سی آئی اے کی بلڈنگ کو آرٹیکل پریزنر ایکٹ 1894کی سیکشن 3کے تحت سب جیل قرار دیا گیا ہے۔نوٹیفکیشن میں کہا گیا ہے کہ سی آئی اے عمارت کو سب جیل بنانے کی منظوری وزارت قانون اور پارلیمانی افیئرز نے اسلام آباد انتظامیہ کی درخواست پر دی ہے۔نوٹیفکیشن کے مطابق حالیہ احتجاج میں گرفتار ہونے والوں کو اس سب جیل میں رکھا جائے گا۔
