ملزمان نے بانی پی ٹی آئی کی ایماء پرخلاف قانون مجمع اکھٹا کیا،قتل کی نیت سے پولیس پر سیدھی فائرنگ کی،ریاستی اداروں کیخلاف نعرے بازی کر کے عوام میں خوف و ہراس پھیلایا، متن
راولپنڈی (الفجر آن لائن) اسلام آباد احتجاج پر راولپنڈی میں عمران خان، بشری بی بی، علی امین سمیت دیگر کیخلاف دہشت گردی دفعات کے تحت ایک اور مقدمہ درج کرلیا گیا۔ ذرائع کے مطابق راولپنڈی کے تھانہ صادق آباد میں بانی پی ٹی آئی عمران خان بشری بی بی، علی امین گنڈا پور، عمرایوب، حماد اظہر، اسد قیصر، عارف علوی، خورشید خان، علیمہ خان ودیگر کیخلاف انسداد دہشتگردی ایکٹ دفعات کے تحت مقدمہ درج کرلیا گیا ہے۔ مقدمے میں اقدام قتل، کارسرکار مداخلت سمیت تعزیرات پاکستان کی 14دفعات شامل کی گئی ہیں۔مقدمہ متن کے مطابق 26اکتوبر کی صبح ساڑھے 7بجے پی ٹی آئی کارکنان نے فیض آباد ناکہ پر اشتعال انگیز نعرے بازی کی، ملزمان نے ٹائر جلا کر سڑک بند کی اور راستہ روک لیا، ملزمان نے ڈنڈوں سے پولیس پر حملہ کیا اورناکہ پر پولیس پارٹی پر سیدھی فائرنگ بھی کی، دو گولیاں سرکاری گاڑی پربھی لگیں۔متن میں کہا گیا ہے کہ آنسو گیس کی شیلنگ کے بعد پولیس نے موقع سے 77پی ٹی آئی کارکنان کو گرفتار کر لیا جن سے وائرلیس سیٹ،آنسو گیس کے شیل،ڈنڈے، کنچے اور غلیلیں برآمد ہوئیں، ملزمان کے زیر استعمال تین گاڑیاں بھی قبضہ میں لے لی گئیں۔ مقدمے میں کہا گیا ہے کہ ملزمان نے بانی پی ٹی آئی کی ایماء پرخلاف قانون مجمع اکھٹا کیا،قتل کی نیت سے پولیس پر سیدھی فائرنگ کی اور ریاستی اداروں کیخلاف نعرے بازی کر کے عوام میں خوف و ہراس پھیلایا۔متن میں کہا گیا ہے کہ ملزمان نے پولیس سے مزاحمت کر کے سڑک بند کی،عوام کا راستہ روک کر شہری زندگی کو مفلوج کیا، عام عوام کی زندگیوں کو خطرے میں ڈالااورسرکاری و نجی املاک کو نقصان بھی پہنچای
