وانا (الفجر آن لائن) امن وامان کی خراب صورتحال کے باعث جنوبی وزیرستان لوئر میں 3روز کیلئے کرفیو نافذ کردیا گیا۔ڈپٹی کمشنر جنوبی وزیرستان لوئر ناصر خان کے دفتر سے جاری اعلامئے کے مطابق جنوبی وزیرستان لوئر کی تحصیل شکئی کے علاقہ سانگہ اور انضر چینہ میں اتوار سے 3 روز کیلئے کرفیو نافذ کردیا گیا ہے۔ اعلامئے کے مطابق سیکیورٹی فورسز کی موومنٹ کے باعث تین روز تک صبح 5 سے شام 6 بجے تک عوام کے باہر نکلنے پر مکمل پابندی ہوگی۔ڈپٹی کمشنر نے تحصیل شکئی کے عوام سے سیکیورٹی فورسز کیساتھ تعاون کی اپیل کی ہے
