پابندیوں کا مقصد ایران کیخلاف غیرقانونی مالیاتی سرگرمیوں ،دہشت گردی کی معاونت روکنا ہے،امریکی وزارت خزانہ
واشنگٹن (الفجرآن لائن) امریکہ نے مزید 35 ایرانی کمپنیوں اور بحری جہازوں پر پابندیاں عائد کر دیں۔غیر ملکی میڈیا کے مطابق امریکی وزارت خزانہ نے جاری بیان میں کہا گیا ہے کہ پابندیوں کا مقصد ایران کے خلاف غیرقانونی مالیاتی سرگرمیوں اور دہشت گردی کی معاونت کو روکنا ہے،امریکی حکام کے مطابق ایران غیرقانونی طور پر تیل کی فروخت سے حاصل آمدنی کو اپنے جوہری پروگرام، بیلسٹک میزائل سسٹمز اور ڈرونز کی تیاری میں استعمال کر رہا ہے۔محکمہ خزانہ کے قائم مقام انڈر سیکرٹری براڈلی اسمتھ نے کہاہے کہ امریکہ غیرقانونی تیل کی ترسیلات میں ملوث فلیٹس اور جہازوں کے خلاف سخت کارروائی جاری رکھے گا اور اس بات کو یقینی بنائے گا کہ ایران کی مالی معاونت دہشت گردی اور خطرناک ہتھیاروں کی تیاری کیلئے استعمال نہ ہو۔میڈیا رپورٹ کے مطابق امریکا کی جانب سے جن کمپنیوں اور جہازوں پر پابندیاں عائد کی گئی ہیں ان میں مارشل آئیلینڈ فلیگڈ جیا، گیانا فلیگڈ فینسک، کک آئیلینڈ فلیگڈ برتا، اولیو، یوری اور من ہینگ، سا ٹوم اور پرنسپ فلیگڈ ایلوا اور سیرس ون ،سان مارینو فلیگڈ وینیٹی، لائیبریا فلیگڈ لیڈی لوسی، بیلائز فلیگڈ ویسنا، ہونڈوراس فلیگڈ ایف ٹی آئی لینڈ، ایران فلیگڈ مسل اور پاناما فلیگڈ بلیک پینتھرودیگر شامل ہیں۔
