امام بارگاہوں پرواک تھرو گیٹ نصب ،مجالس میں شریک ہونیوالوں کو چیکنگ کے بعدداخلے کی اجاز ت ہوگی،ایس ایس پی آپریشنز
کوئٹہ (الفجرآن لائن) کوئٹہ میں محرم الحرام کے دوران امن وامان کے قیام کیلئے 1820 پولیس اہلکار تعینات کردیئے گئے۔ تفصیلات کے مطابق پولیس نے کوئٹہ میں محرم الحرام کے دوران امن وامان کا قیام یقینی بنانے کیلئے سیکیورٹی پلان کے تحت 1820 اہلکار تعینات کردیئے ہیں۔ ایس ایس پی آپریشنز کوئٹہ محمد بلوچ نے بتایا ہے کہ سکیورٹی پلان کے تحت شہرکی 52امام با رگا ہوں میں مجالس عزاء ہوں گی، جن میں سے 23حساس تر ین ، 30حساس اور 24نارمل مقامات ہیں ۔انہوں نے کہا کہ امام بارگاہوں پرواک تھرو گیٹ نصب کئے جائیں گے اور مجالس میں شریک ہونیوالوں کو چیکنگ کے بعدداخلے کی اجاز ت دی جائے گی۔ انہوں نے بتایا کہ تمام افسران جلوسوں کی سیکیورٹی کی قیادت خود کریں گے۔ انہوں نے بتایا کہ شہرمیں کسی بھی ناخوشگوار واقعہ سے نمٹنے کیلئے ہنگامی منصوبہ بھی تیار کیا گیا ہے تاہم کوشش ہے شہر میں صورتحال نارمل رہے۔
