راولپنڈی (الفجرآن لائن) حس خیل میں دہشت گردوں کیخلاف آپریشن میں شہید ہونیوالے چاروں جوانوں کو آبائی علاقوں میں سپرد خاک کردیا گیا۔ آئی ایس پی آر کے مطابق پشاور کے علاقے حسن خیل میں دہشت گردوں کیخلاف آپریشن کے دوران شہید ہونے والے چاروں جوانوں کو آبائی علاقوں میں سپرد خاک کر دیا گیا۔
بیان کے مطابق پاک فوج کے سپاہی محمد ادریس شہید کو صوابی ، بادام گل شہید کو کوہاٹ ،سی ٹی ڈی خیبر پختونخوا کے سب انسپکٹر تاج میر شاہ شہید کو پشاور جبکہ اسسٹنٹ سب انسپکٹر محمد اکرم شہید کو مانسہرہ میں سپردِ خاک کیا گیا۔بیان کے مطابق شہدا کی نماز جنازہ اور تدفین میں سینئر حاضر سروس فوجی و پولیس افسران، فوجی جوانوں، شہدا کے لواحقین اور عمائدین علاقہ کی بڑی تعداد نے شرکت کی۔
