حساس ادارے رینجرز، کسٹم حکام کی مشترکہ کارروائی، بولٹن مارکیٹ سے سمگل شدہ اشیا کی بھاری کھیپ برآمد

کراچی (الفجر آن لائن) کراچی بولٹن مارکیٹ میں حساس ادارے، کسٹم و رینجرز نے مشترکہ کارروائی میں سمگل شدہ اشیاء کی بڑی کھیپ برآمد کرلی۔ نجی ٹی وی کے مطابق کراچی کے علاقے بولٹن مارکیٹ چھانٹی گلی میں خفیہ اطلاع پر حساس ادارے، کسٹم اور رینجرز نے مشترکہ کارروائی کی، اس دوران دکانوں اور گودام کے تالے کاٹ کر سمگل شدہ اشیا ء کی بڑی کھیپ تحویل میں لی گئی۔ذرائع کے مطابق برآمد سامان 10کے قریب گاڑیوں میں لوڈ کرکے کسٹم کے حوالے کردیا گیا ہے۔