بانی پی ٹی آئی صحت مند، جیل مینوئل کے مطابق تمام سہولیات دستیاب ہیں، منتقلی کی افواہوں میں صداقت نہیں، حکام
راولپنڈی (الفجر آن لائن) اڈیالہ جیل حکام بانی پی ٹی آئی عمران خان کی جیل سے منتقلی کی خبروں کی تردید کرتے ہوئے کہا ہے کہ سوشل میڈیا پر زیر گردش افواہوں میں کسی قسم کی صداقت نہیں ہے۔ جیل حکام کے مطابق بانی پی ٹی آئی اپنے سیل میں موجود ، بالکل ٹھیک اور صحت مند ہیں، جیل ہسپتال کے ڈاکٹر ان کا روزانہ طبی معائنہ کرتے ہیں۔ جیل ذرائع نے بتایا کہ بانی پی ٹی آئی کا بلڈ پریشراور شوگر لیول نارمل ہے وہ روزانہ دوبار ورزش بھی کرتے ہیں۔ حکام کے مطابق عمران خان کو جیل مینوئل کے مطابق تمام سہولیات دستیاب ہیں ، ان کی سیکیورٹی کیلئے عملہ ہر وقت تعینات رہتا ہے۔ حکام نے بتایا کہ بانی پی ٹی آئی کے سیل کو تھانہ نیو ٹاؤن کا حصہ قرار دیا گیا ہے، وہ 2دسمبر تک تھانہ نیو ٹاؤن پولیس تحویل میں جسمانی ریمانڈ ہیں ۔
