واشنگٹن (الفجرآن لائن) امریکی میڈیا پاکستان کے عالمی سطح پر مثبت کردار ا کا معترف ہو گیا، امریکی جریدے میں پاکستان کے دہشتگردی کے خلاف جنگ میں کردار کو سراہاتے ہوے کہا گیا ہے اس جنگ میں اسلام آباد کا کردار کسی کی نظروں سے اوجھل نہیں ہونا چاہیے، انتہائی مشکل حالات کے باوجود سالانہ دو ارب ڈالر انسداد دہشتگردی پر خرچ کئے جا رہے ہیں۔ پاکستان ایک پھلتی پھولتی جمہوریت ہے، باقاعدگی سے انتخاباتہوتے ہیں، امریکی جریدے شکاگو ٹریبیون میں شائع ہونے والے آرٹیکل میں کہا گیا ہے۔ تنازعات کے حل اور ترقی کے عالمی معائدوں میں پاکستان کا کردار انتہائی مثبت رہا ہے۔ عالمی اور خطے کے امن کے لئے پاکستان نے بڑے پیمانے پر قربانیاں دیں، دہشتگردی کے خلاف جنگ میں پاکستان کی قربانیاں کسی سے ڈھکی چھپی نہیں ہیں جبکہ محفوظ عالمی بحری تجارت میں بھی پاکستان کا اہم کردار نظر انداز نہیں کیا جا سکتا۔ رپورٹ میں کہا گیا ہے کہ عالمی و خطے کے امن کے لیے پاکستان نے دہشت گردی کی جنگ میں کسی سے بھی بڑھ کر قربانیاں دی ہیں۔ عالمی امن کی خاطر پاکستان اب تک 153 ارب ڈالر کا معاشی نقصان برداشت کر چکا ہے۔ رپورٹ میں کہا گیا ہے دہشت گردی کی عالمی جنگ میں پاکستان کا کردار دنیا کی نظروں سے اوجھل نہیں ہونا چاہیے۔ پاکستان دہشت گردی کے خلاف جنگ میں تین لاکھ سے زائد فوج تعینات کرنے والا پہلا ملک ہے۔ جبکہ انتہائی مشکل معاشی حالات کے باوجود اسلام آباد سالانہ دو ارب ڈالر انسداد دہشت گردی آپریشنز پر خرچ کر رہا ہے۔ یہ انسداد دہشت گردی آپریشن نہ صرف خطے بلکہ عالمی امن کے لیے انتہائی اہم ہیں۔ رپورٹ میں پاک فوج کے کردار کو بھی قبل ستائش قرار دیتے ہوے کہا گیا ہے کہ پاکستان کے بہادر سپاہیوں نے 541 دہشت گردوں کو ہلاک کیا ہے۔حالیہ آپریشنز میں پاکستان کی بہادر افواج نے 153 فوجی جوانوں اور افسروں کی قربانیاں دی ہیں۔ رپورٹ میں پاکستان کے سیاسی حالات کا بھی احاطہ کرتے ہوے کہا گیا ہے پاکستان ایک پھلتی پھولتی جمہوریت ہے۔ جہاں باقاعدگی سے انتخابات کا انعقاد ہوتا ہے۔اقوام متحدہ کے امن مشن میں بھی پاکستان کا کردار دیگر ممالک سے کہیں بڑھ کر ہے۔ پاکستانی قوم کو ہمیشہ غلط سمجھا گیا، جو حقیقت میں استقامت اور جمہوری ترقی کی عکاس ہے۔پاکستان کو منفی نظر سے دیکھنا اس کی عالمی امن کے لیے خدمات کو فراموش کرنے کے مترادف ہے۔وقت آ گیا ہے عالمی برادری پاکستان کو متوازن نظر سے دیکھے۔
