انسانی سمگلنگ مقدمے میں مطلوب اشتہاری دبئی سے اسلام آباد پہنچنے پر گرفتار

اسلام آباد (الفجر آن لائن) ایف آئی اے نے انسانی سمگلنگ مقدمے میں مطلوب اشتہاری ملزم کو دبئی سے اسلام آباد ایئر پورٹ پہنچنے پر گرفتار کرلیا۔ ترجمان کے مطابق ایف آئی اے امیگریشن نے اسلام آباد ایئرپورٹ پر کارروائی کے دوران انسانی سمگلنگ کے مقدمے میں مطلوب اشتہاری ملزم اجمل محمد کو دبئی سے فلائٹ نمبر ED217کے ذریعے پاکستان پہنچنے پر گرفتار کرلیا۔ ترجمان کے مطابق ملزم کا نام سٹاپ لسٹ میں شامل تھا۔ملزم کے خلاف 2023ء میں مقدمہ درج ہوا تھا اور وہ اینٹی ہیومن ٹریفکنگ سرکل لاہور کو مطلوب تھا۔ ترجمان کے مطابق ملزم ویزے کے نام پر بھاری رقوم وصول کر کے بیرون ملک فرار ہوگیا تھا،ملزم کو بعد ازاں ایف آئی اے اینٹی ہیومن ٹریفکنگ سرکل لاہور کے حوالے کر دیا گیا۔