تربت (انٹرنیوز) تربت میں دھماکے کے نتیجے میں 1شخص جاں بحق،2 زخمی ہو گئے۔پولیس کے مطابق بلوچستان کے شہر تربت کے علاقے آبسر میں نامعلوم افراد نے دیسی ساختہ بم سڑک کنارے نصب کیا ہوا تھا جو اچانک پھٹ گیا جس کے نتیجے میں ایک شخص جاں بحق جبکہ 2زخمی ہوگئے۔ واقعے کے بعد پولیس و دیگر قانون نافذ کرنے والے اداروں کے اہلکار موقع پر پہنچ گئے اور نعش وزخمیوں کو ہسپتال منتقل کر دیا۔پولیس نے علاقے کی ناکہ بندی کر کے ملزمان کی تلاش شروع کر دی ہے۔
