کراچی (الفجرآن لائن) سوشل میڈیا پر ریاست مخالف پروپیگنڈا کرنے پر 7ملزمان کیخلاف مقدمات درج کرلئے گئے ذرائع کے مطابق کراچی پولیس نے سوشل میڈیا پر اشتعال انگیز ،جھوٹے بیانات دینے کے الزام میں 7ملزمان محمد سہیل، محمد جنید، شیخ محمد احسان، طارق جمیل، سید رضوان، محمد احمد، بابر اعظم کیخلاف ایف آئی آر درج کرلی ہے۔ذرائع کے مطابق ملزمان مختلف واٹس ایپس گروپس اور ایکس اکاؤنٹس کے ذریعے ریاست مخالف نفرت انگیز پروپیگنڈا پھیلا رہے تھے۔ذرائع کے مطابق ملزمان کو جلد گرفتار کر کے سخت قانونی کارروائی عمل میں لائی جائے گی۔
