اسلام آباد (الفجرآن لائن) عدالت نے 190ملین پاؤنڈ زریفرنس میں بشری بی بی کے ناقابل ضمانت وارنٹ گرفتاری برقراررکھتے ہوئے عملدرآمد کیلئے دوبارہ نوٹس جاری کردیا۔ جمعہ کو احتساب عدالت اسلام آباد کے جج ناصر جاوید رانا نے اڈیالہ جیل میں بانی پی ٹی آئی عمران خان و اہلیہ بشری بی بی کیخلاف 190 ملین پاؤنڈز ریفرنس پر سماعت کی۔ دوران سماعت بانی پی ٹی آئی کو عدالت پیش کیا گیا جبکہ بشری بی بی آج بھی پیش نہ ہوئیں ،ملزمان کی جانب سے آج بھی 342کے سوالناموں پر جواب داخل نہیں کروائے گئے۔عدالت نے بشری بی بی کو گرفتار کرکے آئندہ سماعت پر پیش کرنے کا حکم دیتے ہوئے سماعت بغیر کارروائی ملتوی کردی
