راولپنڈی/کوئٹہ (الفجرآن لائن)پاک فوج کی بلوچستان میں سال 2024 کے دوران دہشت گردوں کے خلاف کارروائیاں، رواں سال اب تک پاک فوج کے بلوچستان میں دہشت گردوں کے خلاف مختلف آپریشنز کے دوران 66 دہشت گرد ہلاک، 27 زخمی جبکہ 4 کو زندہ گرفتار کیا گیا، افواج پاکستان کے دہشت گردوں کی سرکوبی کے لیے موثر حکمت عملی کے تحت کامیاب آپریشنز کئے گئے۔
پاک فوج نے بلوچستان میں سال 2024 کے دوران دہشت گردوں کے خلاف کارروائیاں کیں، اگست 2021 میں افغان طالبان کا افغانستان کا کنٹرول سنبھالنے کے بعد پاکستان میں دہشتگردی کی ایک نئی لہر جاگ اٹھی، اور دور حاضر کے خوارج تحریک طالبان نے اسلامی جمہوریہ پاکستان پر دہشت گرد حملے تیز کر دئیے، جس کی سرکوبی کے لیے افواج پاکستان نے موثر حکمت عملی اپنائی، اس حکمت عملی کے تحت، رواں سال پاکستان میں دہشت گردی کو جڑ سے اکھاڑنے کے لیے افواج پاکستان نے مربوط اور منظم انداز میں مختلف آپریشنز کیے، 3 جنوری سے 31 مئی 2024 تک پاک فوج نے بلوچستان میں خوارج کے خلاف مختلف آپریشنز کے دوران 66 دہشت گردوں کو جہنم واصل، 27 کو زخمی جبکہ 4 کو زندہ گرفتار کر لیا۔
