اٹک : اٹک میں ذاتی رنجش پر ایلیٹ اہلکار نے فائرنگ کر کے دو سینئر وکلاء کو قتل کردیا ۔
تفصیلات کے مطابق پنجاب کے ضلع اٹک میں پولیس اہلکار کی فائرنگ سے سابق صدر ڈسٹرکٹ بار اٹک اسرار احمد اور ایڈووکیٹ ذوالفقار مرزا جاں بحق ہوگئے۔واقعے کی اطلاع ملتے ہی پولیس و ریسکیو حکام موقع پر پہنچ گئے اور مقتول وکلاء کی لاشیں ڈسٹرکٹ ہیڈکوارٹر ہسپتال منتقل کردی گئیں۔
پولیس کے مطابق ایلیٹ فورس کے اہلکار نے رنجش پر وکلاء کے چیمبر میں داخل ہو کر فائرنگ کی، ملزم کو گرفتار کر کے تھانہ اٹک سٹی منتقل کردیا ہے۔ واقعے کے بعد وکلاء کی بڑی تعداد ہسپتال کے باہر جمع ہوگئی اور پولیس کیخلاف احتجاج شروع کردیا۔
