پی ٹی آئی کا غیر قانونی احتجاج بنیادی انسانی حقوق کی خلاف ورزی،روکنے کی ہدایت کی جائے، استدعاء
اسلام آباد(الفجر آن لائن) پی ٹی آئی کا احتجاج روکنے و غیرقانونی قرار دینے کیلئے تاجروں نے اسلام آباد ہائیکورٹ میں درخواست دائرکردی۔ صدرجناح سپر مارکیٹ ودیگرکی جانب سے دائر درخواست میں وزارت داخلہ، چیف کمشنر، آئی جی اسلام آباد اور چیئرمین پی ٹی آئی بیرسٹر گوہر کو فریق بناتے ہوئے موقف اپنایا گیا ہے کہ پی ٹی آئی کا احتجاج بنیادی انسانی حقوق کی خلاف ورزی ہے، پرامن کاروبار کرنا اور دیگر فرائض کی ادائیگی ہر شہری کا بنیادی حق ہے، پی ٹی آئی کے احتجاج سے شہریوں کے بنیادی حقوق متاثر ہوسکتے ہیں۔ا
ستدعا ہے کہ انتظامیہ کو ہدایت کی جائے کہ چیئرمین پی ٹی آئی اور کارکنان کو اس غیرقانونی احتجاج سے روکا جائے، احتجاج کے پیش نظر نقل و حرکت، تجارت اور املاک کو تحفظ فراہم کیا جائے۔ استدعاء کی گئی ہے کہ احتجاج کی کال کو آزادی تجارت،بنیادی انسانی حقوق کی خلاف ورزی قرار دے کرامن یقینی بنانے کی ہدایت کی جائے۔
