اسلام آباد (الفجر آن لائن) اسلام آباد میں سرینگر ہائی وے پر شرپسندوںکی گاڑی تلے کچلے جانے سے 4 رینجرز اہلکاروںکی شہادت کے بعد فوج طلب کرلی گئی ، انتظامیہ نے شرپسندوںکو دیکھتے کی گولی مارنے کا حکم دے دیا۔اطلاعات کے مطابق گزشتہ روز رات گئے سرینگر ہائی وے پر پی ٹی آئی احتجاج کے دوران شرپسندوں نے گاڑی رینجرز اہلکاروں پر چڑھا دی جس سے 4رینجرز اہلکار شہید اور پولیس کے 5 جوان شدید زخمی ہوگئے ۔
واقعے کے بعد انتظامیہ نے آرٹیکل 245کے تحت اسلام آباد میں پاک فوج طلب کر تے ہوئے شرپسندوں سے آہنی ہاتھوں سے نپٹنے کیلئے احکامات جاری کر دیئے ہیں، سیکیورٹی ذرائع کے مطاق انتشاریوں اور شرپسندوں کو موقع پر گولی مارنے کے واضح احکامات جاری کئے گئے ہیں۔سیکیورٹی ذرائع کے مطابق شرپسندوں کے حملوں میں اب تک رینجرز کے 4، پولیس کے 2جوان شہید ہو چکے ہیں جبکہ 100سے زائد پولیس اہلکارزخمی ہوئے ہیں ۔ذرائع کے مطابق انتشار پسند و دہشت گرد عناصر کو کسی بھی قسم کی دہشت گردانہ کارروائی سے نپٹنے کیلئے تمام اقدامات بروئے کار لائے جا رہے ہیں۔
