
تمام وفاقی وزارتوں ،محکموں کے سیکرٹریز وسربراہان کو ٹاسک مینجمنٹ سسٹم کو خود استعمال کرنے کی ہدایت
اسلام آباد : وزیراعظم شہبازشریف نے روزانہ کی بنیاد پر ٹاسک سسٹم کا جائزہ لینے کا فیصلہ کرتے ہوئے تمام وفاقی وزارتوں ،محکموں کے سیکرٹریز وسربراہان کو ٹاسک مینجمنٹ سسٹم خود استعمال کرنے کی ہدایت کردی۔ تفصیلات کے مطابق وزیراعظم شہباز شریف کی زیر صدارت وفاقی وزارتوں و محکموں کو جاری ہدایات پر پیشرفت بارے تشکیل شدہ ٹاسک مینجمنٹ سسٹم کے حوالے سے اجلاس ہوا جس میں وفاقی وزیر اقتصادی امور احد خان چیمہ، وفاقی وزیر پیٹرولیم مصدق ملک، وزیر مملکت آئی ٹی شزا فاطمہ خواجہ، وزیراعظم کے کوآرڈنیٹر رانا احسن افضل اور متعلقہ اداروں کے اعلیٰ افسران نے شرکت کی ۔
اجلاس کو بریفنگ دیتے ہوئے بتایا گیا کہ ٹاسک مینجمنٹ سسٹم عالمی معیار کا منفرد ر جدید سافٹ ویئر ہے۔ اس موقع پر وزیراعظم نے روزانہ کی بنیاد پر ٹاسک سسٹم کا جائزہ لینے کا فیصلہ کرتے ہوئے کہا کہ تمام منصوبوں کی پیشرفت کی مسلسل نگرانی انہیں جلد از جلد پائیہ تکمیل کی جانب پہنچانے کا پہلا قدم ہے۔وزیر اعظم نے تمام وفاقی وزارتوں و محکموں کے سیکریٹرز اور سربراہان کو ٹاسک مینجمنٹ سسٹم کو خود استعمال کرنے کی ہدایت کی ۔