کھیت میں داخلے پر اونٹ کی ٹانگ کاٹنا انسانیت نہیں، پولیس ذمہ داران کیخلاف کارروائی کر کے شہری کو انصاف فراہم کرے، گورنر سندھ
کراچی : گورنر سندھ کامران ٹیسوری نے سانگھڑ میں وڈیرے کے ظلم کے شکار شخص کو 2اونٹ دینے کااعلان کرتے ہوئے کہا ہے کہ کھیت میں داخلے پر اونٹ کی ٹانگ کاٹنا انسانیت نہیں، پولیس ذمہ داران کیخلاف کارروائی کر کے شہری کو انصاف فراہم کرے۔ تفصیلات کے مطابق گورنر سندھ کامران ٹیسوری نے سانگھڑ میں وڈیرے کے ظلم کے شکار شخص کو 2اونٹ دینے کااعلان کرتے ہوئے کہاہے کہ کھیت میں داخل ہونے پراونٹ کی ٹانگ کاٹ دینا انسانیت نہیں۔
انہوں نے کہا کہ اونٹ کی ٹانگ کاٹ کرغریب سے اس کی روزی بھی چھینی گئی ہے ۔ انہوں نے کہا کہ دورہ حیدرآبادکے دوران سانگھڑ کے متاثر شخص کو دو اونٹ دوں گا۔انہوںنے پولیس کو ہدایت کی کہ اصل ذمہ داروں کیخلاف کارروائی کرکے شہری کو انصاف فراہم کیا جائے۔
