کیمیکل و فرٹیلائزر سیکٹر میں پہلی پوزیشن، بہترین سسٹین ایبلٹی رپورٹ کی کیٹیگری میں دوسری پوزیشن؛ مجموعی درجہ بندی میں بھی ٹاپ پانچ کمپنیوں میں شامل
اسلام آباد (الفجر آن لائن): فوجی فرٹیلائزر کمپنی لمیٹڈ (ایف ایف سی) نے کارپوریٹ رپورٹنگ کے شعبے میں نمایاں کارکردگی کا مظاہرہ کرتے ہوئے بیسٹ کارپوریٹ اینڈ سسٹین ایبلٹی رپورٹس ایوارڈز 2025 میں اہم اعزازات حاصل کر لیے۔
یہ ایوارڈز انسٹی ٹیوٹ آف چارٹرڈ اکاؤنٹنٹس آف پاکستان (آئی کیپ) اور انسٹی ٹیوٹ آف کاسٹ اینڈ مینجمنٹ اکاؤنٹنٹس آف پاکستان (آئی سی ایم اے) کے مشترکہ اہتمام سے دیے گئے۔ ایوارڈز کی تقریب 25 اکتوبر 2026 کو اسلام آباد کے میریٹ ہوٹل میں منعقد ہوئی۔
ایف ایف سی نے کیمیکل اور فرٹیلائزر سیکٹر میں پہلی پوزیشن حاصل کی، جبکہ مجموعی کیٹیگری میں بھی ملک کی نمایاں کمپنیوں کے ساتھ ٹاپ پانچ اداروں میں جگہ بنائی۔ یہ اعزاز کمپنی کی کارپوریٹ رپورٹنگ کے معیار اور متعلقہ شعبے میں اس کی کارکردگی کے اعتراف کے طور پر سامنے آیا۔
کمپنی نے پائیداری سے متعلق رپورٹنگ میں بھی نمایاں کامیابی حاصل کرتے ہوئے بہترین سسٹین ایبلٹی رپورٹ کی کیٹیگری میں دوسری پوزیشن حاصل کی۔
ایف ایف سی کے مطابق یہ اعزازات شفافیت، جوابدہی، بہتر طرزِ حکمرانی اور پائیدار کاروباری طریقوں کے فروغ کے لیے کمپنی کے عزم کی عکاسی کرتے ہیں۔ کمپنی نے اس کامیابی کو اپنی کارپوریٹ رپورٹنگ کے معیار اور اسٹیک ہولڈرز کے اطمینان کو اہمیت دینے کی کوششوں کا اعتراف قرار دیا۔
ان اعزازات کے ذریعے ایف ایف سی نے کارپوریٹ رپورٹنگ اور پائیداری کے شعبوں میں اپنی کارکردگی کو مزید نمایاں کیا ہے۔
