
اسلام آباد (الفجرآن لائن) وفاقی حکومت نے کرپشن و نا اہلی پر ایف بی آر گریڈ20 کے 27 افسران کو عہدوں سے فارغ کرتے ہوئے نوٹیفکیشن جاری کردیا۔ نجی ٹی وی کے مطابق وفاقی حکومت نے انٹلیجنس رپورٹ کی بنیاد پر کارروائی کرتے ہوئے کرپشن و نا اہلی میں ملوث ایف بی آر کے گریڈ 20 کے 27 افسران کو عہدوں سے فارغ کردیا ہے۔
رپورٹ کے مطابق فارغ کئے گئے افسران میں ان لینڈ ریونیو سروس گریڈ 20 کے 16 جبکہ کسٹمز گروپ گریڈ 20 کے 11 افسران شامل ہیں۔ وزیراعظم کی منظوری کے بعد ایف بی آر افسران کو عہدوں سے ہٹانے کا نوٹیفکیشن بھی جاری کردیا گیا ہے۔ نوٹیفکیشن کے مطابق پاکستان کسٹمز گروپ گریڈ 20کے کلکٹر اپیلز اسلام آباد ڈاکٹر اختر حسین، محمد عدنان اکرام ڈائریکٹر ٹرانزٹ ٹریڈ لاہور، ارم مقبول عامر ڈی جی لا اینڈ پراسیکیوشن، نوید اقبال ڈائریکٹر ٹرانزٹ ٹریڈ گوادر، احسن خان کلکٹر کوئٹہ، رضا خان کلکٹر ایڈجیوڈیکیشن کراچی، امبرین تارڑ اور عامر رشید شیخ جبکہ ان لینڈ ریونیو سروس گریڈ 20 کے کمشنرز قاضی افضل، نصیر جنجوعہ اور ظہور احمد،محمد عابد، حمیرا مریم، نوید اختر، فضلی ملک،نوشیروان خان،رضی الرحمن،عاصم خٹک،خالد قریشی، محمد علی، نعیم بابر اورذوالقرنین کو عہدوں سے ہٹاکر خدمات ایف بی آر ایڈمن پول کے سپرد کردی گئی ہیں۔