پروٹیکٹڈ صارفین سے زیادتی کا ازالہ ضروری ، ایک ایک شواہد کا جائزہ لے کر ذمہ داران کا تعین کیا جائے گا، وفاقی وزیر داخلہ
اسلام آباد (الفجرآن لائن) وزیر داخلہ محسن نقوی نے پروٹیکٹڈ صارفین کو نان پروٹیکٹڈ کیٹیگری میں شامل کرنے پر تشویش کا اظہار کرتے ہوئے کہا ہے کہ پروٹیکٹڈ صارفین سے زیادتی کا ازالہ ضروری ہے، ایک ایک شواہد کا جائزہ لے کر ذمہ داران کا تعین کیا جائے گا۔تفصیلات کے مطابق وفاقی وزیر داخلہ محسن نقوی کی زیر صدارت اجلاس کا انعقاد ہوا جس میں وفاقی سیکرٹری داخلہ، ایڈیشنل ڈی جی ایف آئی اے ہیڈکوارٹر اور ایڈیشنل سیکرٹری داخلہ شریک ہوئے جبکہ ایف آئی اے کے تمام ڈائریکٹرز نے ویڈیو لنک کے ذریعے اجلاس میں شرکت کی۔
اجلاس میں ایف آئی اے حکام نے اوور بلنگ معاملے پر وزیر داخلہ کو بریفنگ دی۔وزیر داخلہ نے پروٹیکٹڈ صارفین کو نان پروٹیکٹڈ کیٹیگری میں شامل کرنے پر تشویش کا اظہار کرتے ہوئے کہا کہ پروٹیکٹڈ صارفین سے زیادتی کا ازالہ ضروری ہے، ایک ایک شواہد کا جائزہ لے کر ذمہ داران کا تعین کیا جائے گا۔وزیر داخلہ نے پروٹیکٹڈ صارفین کو ریلیف دینے کیلئے ایف آئی اے ڈائریکٹرز سے 3 دن میں تمام ڈسکوز کے ڈیٹا طلب کرتے ہوئے کہا کہ تمام شواہد کی جامع رپورٹ وزیر اعظم کو پیش کی جائے گی۔
