راجن پور(الفجر آن لائن) راجن پور میں انڈس ہائی وے پر پولیس وین اورٹرک میں تصادم کے نتیجے میں 2اہلکار جاں بحق ہوگئے۔ پولیس کے مطابق جنوبی پنجاب کے ضلع راجن پور میں انڈس ہائی وے پر کھیتران پمپ کے قریب تیز رفتاری کے باعث پولیس وین اور ٹرک آپس میں ٹکرا گئے جس کے نتیجے میں 2 پولیس اہلکار جاں بحق جبکہ دو افراد شدید زخمی ہوگئے۔ ریسکیو حکام نے جاں بحق اہلکار کی نعشوں اور زخمیوں کو ہسپتال منتقل کردیا ۔ پولیس حکام کے مطابق حادثے کے بعد ٹرک ڈرائیور گاڑی چھوڑ کر موقع سے فرار ہونے میں کامیاب ہو گیا
