قیادت نے عوام کو اکسایا،اسد عمر، اعظم سواتی ودیگر رہنماء گناہ گار ہیں، رپورٹ
لاہور(الفجر آن لائن) 9مئی مقدمات کی جے آئی ٹی نے پی ٹی آئی قیادت سمیت کئی رہنماؤں کو مجرم قرار دے دیا۔ اے ٹی سی لاہور میں جج ارشد جاوید نے سانحہ 9 مئی کے حوالے سے پی ٹی آئی رہنماؤںکیخلاف درج پر سماعت کی ۔ جے آئی ٹی نے اپنی رپورٹ عدالت میں پیش کی ۔ رپورٹ میں کہا گیا ہے کہ پی ٹی آئی قیادت نے 9مئی کو عوام کو اکسایا، اسد عمر، اعظم سواتی، حافظ فرحت سمیت دیگر رہنماء گناہگار ہیں۔دوران سماعت جج ارشد جاوید نے ملزمان کے وکلاء سے استفسار کیا کہ آپ بتا دیں تاریخ چاہئے، پہلے آپ کہہ رہے تھے کہ تفتیش مکمل کریں اب ہو گئی ہے تو بحث کریں۔بعد ازاں عدالت نے ملزمان کے وکلا کو دلائل کیلئے آئندہ سماعت پر 14جنوری کو طلب کر لیا۔
