کوئٹہ (الفجر آن لائن) بلوچستان کے مختلف اضلاع میں فائرنگ واقعات میں 6افراد جاں بحق، 2زخمی ہوگئے۔پولیس کے مطابق کوئٹہ کے علاقے میاں غنڈی، کلی زرین میں نامعلوم افراد نے رکشہ پر فائرنگ کر کے 2افراد شیر احمد اور علی محمد کو قتل اور مہر اللہ کو زخمی کر دیا، لاشوں اور زخمی کو سول ہسپتال کوئٹہ منتقل کردیا گیا،چاغی میں نامعلوم افراد نے فائرنگ کر کے 2افراد احمد اور الیاس کو قتل کردیا،لیویز نے لاشیں قبضے میں لے کر ہسپتال پہنچائیںاور ضروری کارروائی کے بعد ورثا کے حوالے کر دی گئیں۔ادھر گوادر میں نامعلوم مسلح افراد کی فائرنگ سے تربت کے علاقے کلگ کا رہائشی لیویز اہلکار محمد جان جاں بحق ہوگیا جبکہ دکی میں کوئلے کی کان پر نامعلوم افراد کی فائرنگ سے ایک شخص جاں بحق اور ایک زخمی ہو گیا۔
