اسلام آباد (الفجرآن لائن)اے ٹی سی نے ڈی چوک سے گرفتار 17مظاہرین کے مزید جسمانی ریمانڈ کی استدعا مسترد کر کے جوڈیشل ریمانڈ پر جیل بھیج دیا ۔ ہفتے کو ڈی چوک احتجاج پر گرفتار 17مظاہرین کو اے ٹی سی جج طاہر عباس سپرا کی عدالت میں پیش کیا گیا۔پراسیکیوٹر عاطف رانجھا نے ملزمان کے مزید 20،20روزہ جسمانی ریمانڈ کی استدعا کی جبکہ ملزمان کے وکیل انصر کیانی نے جسمانی ریمانڈ کی مخالفت کی ۔پراسیکیوٹر نے کہا کہ ملزمان کا مجموعی طور پر 11دن کا ریمانڈ ہوا ہے کچھ برآمدگیاں ہو چکی ہیں کچھ کرنی ہیں۔ عدالت نے دلائل سننے کے بعد ملزمان کے جسمانی ریمانڈ کی استدعا مسترد کرتے ہوئے جوڈیشل ریمانڈ پر جیل بھیج دیا۔
