چاغی (الفجر آن لائن) بلوچستان میں امن و امان کے قیام اور دہشت گردی کے خاتمے کے لیے سکیورٹی فورسز کی کارروائیاں جاری ہیں۔ سکیورٹی ذرائع کے مطابق ضلع چاغی کے علاقے دالبندین میں انٹیلی جنس بنیادوں پر کیے گئے آپریشن کے دوران دو مطلوب دہشت گرد ہلاک ہوگئے۔
حکام کے مطابق کارروائی کے دوران دہشت گردوں کے ٹھکانوں کو مؤثر انداز میں نشانہ بنایا گیا۔سکیورٹی ذرائع کا کہنا ہے کہ ہلاک ہونے والے افراد کوئٹہ۔تفتان شاہراہ پر مسافروں کو ہراساں کرنے اور علاقے میں خوف و ہراس پھیلانے کی سرگرمیوں میں ملوث تھے۔
ذرائع کے مطابق مذکورہ عناصر شاہراہ پر تجارتی گاڑیوں اور مسافر بسوں کو نذرِ آتش کرکے نہ صرف شہریوں کی سلامتی کے لیے خطرات پیدا کر رہے تھے بلکہ تجارتی سرگرمیوں اور ملکی معیشت کو بھی نقصان پہنچا رہے تھے۔
کوئٹہ۔تفتان شاہراہ بلوچستان کی اہم گزرگاہوں میں شمار ہوتی ہے، جہاں مسافروں کی آمدورفت اور سامان کی نقل و حمل علاقائی رابطوں اور تجارتی سرگرمیوں کے لیے اہمیت رکھتی ہے۔
اس شاہراہ پر امن و امان کی صورت حال بہتر بنانا مسافروں کے تحفظ اور تجارتی سرگرمیوں کے تسلسل کے لیے ضروری ہے۔سکیورٹی ذرائع کے مطابق آپریشن ردالفتنہ 3 کے تحت بلوچستان میں دہشت گرد عناصر کے خلاف کارروائیاں جاری ہیں۔
سکیورٹی فورسز نے صوبے سے دہشت گردی کے خاتمے اور شہریوں کے جان و مال کے تحفظ کے عزم کا اعادہ کیا ہے۔ذرائع کا کہنا ہے کہ دہشت گردی کے خلاف کارروائیاں آخری دہشت گرد کے خاتمے تک جاری رکھنے کا عزم کیا گیا ہے۔
ان کارروائیوں کا بنیادی مقصد امن و امان کی صورت حال بہتر بنانا، شاہراہوں کو محفوظ رکھنا اور عوام و تجارتی شعبے کو درپیش خطرات کا تدارک کرنا ہے۔
ذرائع کا کہنا ہے کہ دہشت گردی کے خلاف کارروائیاں آخری دہشت گرد کے خاتمے تک جاری رکھنے کا عزم کیا گیا ہے۔ ان کارروائیوں کا بنیادی مقصد امن و امان کی صورت حال بہتر بنانا، شاہراہوں کو محفوظ رکھنا اور عوام و تجارتی شعبے کو درپیش خطرات کا تدارک کرنا ہے۔
