لیسکو کا بڑا فیصلہ: میٹر ٹمپرنگ پر اب بھاری قیمت کا سمارٹ میٹر وصول کیا جائے گا

لاہور (الفجر آن لائن) لیسکو نے بجلی چوری کرنے والے صارفین سے اے ایم آئی سمارٹ میٹر کی قیمت وصول کرنے کا فیصلہ کر لیا، ٹمپرنگ ثابت ہونے پر صارفین کو سٹیٹک میٹر کی بجائے سمارٹ میٹر کے لئے چودہ ہزار چار سو روپے کا ڈیمانڈ نوٹس ادا کرنا پڑے گا۔

لیسکو نے بجلی چوری کرنے والے صارفین سے اے ایم آئی سمارٹ سنگل فیز میٹر کی قیمت وصول کرنے کا فیصلہ کیا ہے،میٹر میں ٹمپرنگ یا پھر چوری کے لئے ہیرہ پھیری کرنے پر بھاری قیمت وصول کی جائیگی۔

بجلی چوری میں ملوث صارفین سے اے ایم آئی سمارٹ میٹر کی قیمت وصول کی جائیگی،سنگل فیز میٹر میں ٹمپرنگ اور ہیرا پھیری کی صورت میں بھاری قیمت ادا کرنا پڑے گی۔

لیسکو نے میٹر میں ٹمپرنگ پر 14400 روپے سمارٹ میٹر کی قیمت وصول کرنا شروع کر دی۔ اس سے قبل صارفین سے اے ایم آئی سمارٹ کی بجائے سٹیٹک میٹر کی قیمت وصول کی جا رہی تھی۔

سٹیٹک میٹر کے لئے صارفین کو 5500 روپے کا ڈیمانڈ نوٹس دیا جاتا تھا۔ کمپنی نے سٹیٹک میٹرز کی جگہ اب اے ایم آئی سمارٹ سنگل فیز میٹر کا ڈیمانڈ نوٹس شروع کر دیا۔