لاہور :پاکستان ریلویز نے عیدالاضحی پر 3سپیشل ٹرینیں چلانے کا فیصلہ کر لیا۔
تفصیلات کے مطابق پاکستان ریلویز نے عیدالاضحی پر 3 سپیشل ٹرینیں چلانے کا فیصلہ کیا ہے۔ ذرائع کے مطابق عیدالاضحی پر کراچی سے 2جبکہ ایک عید سپیشل ٹرین کوئٹہ سے چلائی جائے گی۔
پہلی عید سپیشل ٹرین 14جون کو ساڑھے 6بجے کراچی سے پشاور کیلئے روانہ ہو گی جس میں 1164مسافر سفر کریں گے۔دوسری عید سپیشل ٹرین 15جون کو رات ساڑھے 9بجے کراچی سے لاہور کیلئے روانہ ہو گی جس میں ایک ہزار 64مسافر سفر کریں گے۔
ذرائع کے مطابق پہلی سپیشل ٹرین میں تمام کوچز اکانومی کلاس ہوں گی جبکہ دوسری سپیشل ٹرین میں 2بزنس، 2سٹینڈرڈ کلاس کے ساتھ تمام اکانومی کلاس کوچز لگائی جائیں گی
