کیلیفورنیا (الفجر آن لائن) معروف ٹیکنالوجی کمپنی ایپل نے نئی 14 انچ میک بک پرو متعارف کرا دی ہے، جس میں جدید ایم 6 (M6) چپ، بہتر گرافکس، مصنوعی ذہانت کی صلاحیتوں اور طویل بیٹری ٹائمنگ کو نمایاں خصوصیات قرار دیا گیا ہے۔
ایپل کے مطابق نئی میک بک پرو میں 12 کور سی پی یو اور 12 کور جی پی یو دیا گیا ہے، جبکہ ڈیوائس میں آن ڈیوائس اے آئی پروسیسنگ کے لیے جدید نیورل انجن بھی شامل کیا گیا ہے۔
کمپنی کا دعویٰ ہے کہ نیا جی پی یو سابقہ ایم 5 کے مقابلے میں 30 فیصد تک بہتر گرافکس کارکردگی اور 25 فیصد تک تیز اے آئی ورک لوڈ فراہم کر سکتا ہے۔
نئے لیپ ٹاپ میں 24 گھنٹے تک بیٹری ٹائمنگ، وائی فائی 7، بلوٹوتھ 6، 12 میگا پکسل کیمرہ اور Liquid Retina XDR ڈسپلے جیسی خصوصیات شامل ہیں۔
ایپل کے مطابق نئی میک بک پرو کی ابتدائی امریکی قیمت 1,999 ڈالر رکھی گئی ہے، جبکہ پری آرڈرز 28 اکتوبر سے شروع ہو چکے ہیں اور فروخت 6 نومبر 2026 سے شروع ہونے کا اعلان کیا گیا ہے۔
کمپنی کا کہنا ہے کہ نئی ڈیوائس طلبہ، سافٹ ویئر ڈویلپرز، کاروباری افراد اور تخلیقی شعبوں سے وابستہ صارفین کے لیے تیار کی گئی ہے۔
