اسلام آباد وزارت اقتصادی امور اور ایشیائی ترقیاتی بینک کے درمیان قرض پروگرام معاہدے پر دستخط ہوگئے، معاہدے کے تحت ایشیائی ترقیاتی بینک 200 ملین ڈالر فراہم کرے گا۔ ترجمان اقتصادی امورڈویژن کے مطابق معاہدے کے تحت ملنے والی رقم پاور سیکٹر کے لئے استعمال کی جائے گی، معاہدے سے بجلی کی تین تقسیم کار کمپنیاں استفادہ حاصل کرسکیں گی۔ ترجمان اقتصادی امورکے مطابق تقسیم کار کمپنیاں لیسکو، میپکو اور سیپکو اس معاہدے سے مستفید ہونگی، وزارت اقتصادی امور کی جانب سے سیکرٹری ڈاکٹر کاظم نیاز نے معاہدے پر دستخط کئے، ایشیائی ترقیاتی بینک کی جانب سے ڈپٹی کنٹری ڈائریکٹر اسد علیم نے دستخط کئے۔
