اسلام آباد(آن لائن) دینی مدارس کی رجسٹریشن کے معاملہ پرصدر آصف زرداری نے سوسائٹیز رجسڑیشن ایکٹ 2024 پر دستخط کردئیے ہیں جس کے بعد یہ بل قانون بن گیا ہے۔ترجمان قومی اسمبلی نے بتایا کہ صدر نے سوسائٹیز رجسڑیشن ایکٹ 2024 پر دستخط کردئیے ہیں اورصدر کے دستخطوں کے ساتھ ہی بل قانون بن گیا۔ترجمان کے مطابق قومی اسمبلی جلد گزٹ نوٹیفیکیشن جاری کرے گی۔ترجمان قومی اسمبلی نے بتایا کہ قانون کے تحت دینی مدارس کی رجسٹریشن سوسائٹی ایکٹ کے مطابق ہوگی‘یہ معاملہ افہام و تفہیم سے حل کرلیا گیا ہے۔
