بھارت،تریپورہ میں طوفانی بارشیں، 10 افراد ہلاک،متعدد لاپتا

8 اضلاع کے 34 ہزارافراد گھر چھوڑ کر شیلٹر ہوم منتقل

نئی دہلی : بھارتی ریاست تریپورہ میں طوفانی بارشوں کے نتیجے میں 10 افراد ہلاک اور متعدد لاپتہ ہوگئے۔

بھارتی میڈیا کے مطابق بھارتی ریاست تریپورہ میں طوفانی بارشوں کے باعث سیلابی صورتحال سے نظام زندگی درہم برہم ہو کر رہ گیا ہے،سیلابی صورتحال کے باعث 8 اضلاع سے34 ہزار افراد اپنے گھر چھوڑ کر شیلٹر کیمپس میں پناہ لینے پر مجبور ہوگئے جبکہ سیلاب سے ایک ہزار کے قریب گھروں کو بھی نقصان پہنچا ہے۔

بارشوں سے مختلف حادثات کے دوران 12سالہ بچی سمیت10 افراد ہلاک جبکہ متعدد لاپتہ ہوگئے۔ حکام کے مطابق سیلاب، بارشوں سے ٹرین کی پٹریاں ڈوبنے سے ٹرین نظام بری طرح متاثر ہوا ہے۔