ملزمان کیخلاف مقدمہ درج،شناختی کارڈ بلاک،پاسپورٹ منسوخ کئے جائیں گے، محسن نقوی
اسلام آباد (الفجرآن لائن) وزیر داخلہ محسن نقوی نے لندن میں سابق چیف جسٹس قاضی فائز عیسیٰ و پاکستانی ہائی کمیشن کی گاڑی پر حملے کی مذمت کرتے ہوئے نادرا کو حملہ آوروں کی شناخت کیلئے فوری اقدامات اٹھانے کا حکم دے دیا۔تفصیلات کے مطابق وفاقی وزیر داخلہ محسن نقوی نے لندن میں سابق چیف جسٹس قاضی فائز عیسیٰ و پاکستانی ہائی کمیشن کی گاڑی پر حملے کو افسوسناک قراردیتے ہوئے نادرا کو ہدایت کی ہے کہ فوٹیجز کے ذریعے حملہ آوروں کی فوری نشاندہی کی جائے، ان کیخلاف پاکستان میں ایف آئی آر درج کرکے مزید کارروائی کی جائے گی، حملہ آوروں کے شناختی کارڈ بلاک اور پاسپورٹ منسوخ کئے جائیں گے،شہریت منسوخی کا کیس منظوری کیلئے کابینہ بھیجا جائے گا۔ انہوں نے کہا کہ کسی کو بھی ایسے حملے کی اجازت نہیں دی جاسکتی، لندن میں پاکستانی ہائی کمشنر کی کار پر بھی حملہ ہوا ہے ہم واقعہ پر خاموش نہیں بیٹھ سکتے، سابق چیف کو دھمکیوں کا سامنا تھا تو سیکیورٹی کیوں فراہم نہیں کی گئی۔
٭٭٭٭٭
