اسلام آباد : ججز پارلیمانی کمیٹی نے جسٹس شہزاد ، جسٹس شاہد بلال اور جسٹس عقیل کی سپریم کورٹ میں تعیناتی کی منظوری دے دی۔
تفصیلات کے مطابق پارلیمانی کمیٹی برائے ججز تعیناتی نے سپریم جوڈیشل کونسل کی جانب سے سپریم کورٹ میں تعیناتی کیلئے بھیجے گئے ناموں کی توثیق کردی ہے۔
ججز پارلیمانی کمیٹی کی جانب سے چیف جسٹس لاہور ہائیکورٹ جسٹس ملک شہزاد احمد خان ،چیف جسٹس سندھ ہائی کورٹ جسٹس عقیل احمد عباسی اور لاہور ہائیکورٹ کے جسٹس شاہد بلال کی بطور جج سپریم کورٹ تعیناتیوں کی منظوری دی گئی ہے۔
