
ٹانک (الفجرآن لائن) خیبرپختونخوا میں چھٹی پر گھر جانیوالے تین ایف سی اہلکاروں کو اغواء کرلیا گیا۔ تفصیلا ت کے مطابق خیبرپختونخوا کے ضلع ٹانک میں تھانہ گومل کی حدود کوٹ اعظم میں چھٹی پر گھر جانے والے تین ایف سی اہلکاروں کو نامعلوم مسلح افراد نے اغوا کرلیا۔ پولیس کے مطابق تینوں اہلکار سرغر سے چھٹی پر پرائیوٹ گاڑی پر گھر جارہے تھے کہ کوٹ اعظم کے علاقے میں نامعلوم مسلح افراد انہیں گاڑی سے اتار کر اپنے ساتھ لے گئے ۔ڈی پی او ٹانک عبدالسلام خالد کے مطابق پولیس اور سیکورٹی اداروں نے علاقے میں اغواء کاروں کیخلاف سرچ آپریشن شروع کردیا ہے۔