اسلام آباد (الفجرآن لائن) وفاقی پولیس نے اسلام آباد میں ہونیوالی بینک ڈکیتیوں میں سرکاری اسلحہ استعمال ہونے کے انکشاف پر تحقیقات شروع کردی ہیں۔ اسلام آباد پولیس کے مطابق گزشتہ دنوں وفاقی دارالحکومت میں 2بینکوں میں ڈکیتی اور دو بینک وینز کو لوٹا گیا تھا،ان ڈکیتیوں میں استعمال ہوئی شارٹ مشین گن تھانہ سیکرٹریٹ سے نامعلوم شخص کو جاری کی گئی تھی۔ذرائع کے مطابق تھانہ سیکرٹریٹ میں ایس ایم جی غائب ہونے کی رپوٹ درج ہے جس کی تحقیقات شروع کر دی گئی ہیں۔پولیس کے مطابق چاروں وارداتوں کے دوران 1شہری جاں بحق، 3گارڈز اور 5شہری زخمی ہوئے تھے۔
