کوئٹہ : حکومت بلوچستان نے فرائض میںغفلت اور ناقص کارکردگی پر زیارت اور ہرنائی کے ڈپٹی کمشنرز کو معطل کردیا۔ ذرائع کے مطابق چیف سیکرٹری بلوچستان شکیل قادر خان نے فرائض میں غفلت برتنے پر ڈپٹی کمشنر ہرنائی محمد عارف کاکڑ اور ڈپٹی کمشنر زیارت لیاقت علی کو بیڈا ایکٹ کے تحت معطل کرتے ہوئے نوٹیفکیشن جاری کردیا ہے۔ واضح رہے کہ ہرنائی اور زیارت میں پچھلے کچھ عرصے میں دہشت گردی سمیت جرائم کے کئی واقعات رونما ہوچکے ہیں۔
