اسلام آباد شاہراہ دستور پر پولیس اہلکار کو گاڑی کی ٹکر سے زخمی کرنیوالی برطانوی خاتون سفارتکار کیخلاف مقدمہ درج کرلیا گیا ۔
تفصیلات کے مطابق شاہراہ دستور پر پولیس اہلکار کو گاڑی سے ٹکر مار کر زخمی کرنیوالی برطانوی خاتون سفارتکار سٹیسی جوانے سوٹوکی کیخلاف تھانہ سیکرٹریٹ میں سرکار کی مدعیت میں مقدمہ درج کرلیا گیا ہے۔
مقدمے میں لاپرواہی اور اشارہ توڑنے کی دفعات شامل کرتے ہوئے کہا ہے کہ برطانوی ہائی کمیشن کی تھرڈ سیکرٹری نے تیز رفتار گاڑی چلاتے ہوئے موٹرسائیکل کو ٹکر ماری جس پر سوار پولیس اہلکار امیر داد کاکڑ گر کر شدید زخمی ہوگیا۔
پولیس حکام کے مطابق زخمی اہلکارسیکورٹی ڈویژن میں تعینات تھا۔
