لاہور : پنجاب میں گزشتہ 24 گھنٹوں کے دوران مزید 8 افراد ڈینگی کا شکار ہوگئے۔
تفصیلات کے مطابق محکمہ پرائمری اینڈ سیکنڈری ہیلتھ کیئر کی جانب سے جاری اعدادوشمار کے مطابق گزشتہ 24 گھنٹوں کے دوران مزید 8 افراد ڈینگی وائرس کا شکار ہوئے ہیں۔ ترجمان کے مطابق لاہور میں 2، راولپنڈی میں 3،اوکاڑہ، ساہیوال اور رحیم یار خان سے ڈینگی کا ایک ایک کیس رپورٹ ہوا ہے۔
محکمہ صحت نے انسداد ڈینگی کیلئے تمام انتظامات مکمل ہیں، تمام سرکاری ہسپتالوں میں ڈینگی سمیت دیگر ادویات کا وافر سٹاک موجود ہے۔ترجمان کے مطابق گزشتہ ایک ہفتے کے دوران ڈینگی کے 36 کیسز سامنے آئے ہیں جبکہ رواں سال ڈینگی کیسز کی تعداد 296 تک پہنچ گئی ہے۔
