اسلام آباد چیف جسٹس یحییٰ آفریدی سے سول سروسز اکیڈمی لاہور میں زیر تربیت افسران نے ملاقات کی۔چیف جسٹس پاکستان نے اختیارات کی تقسیم اور آئین کی اہمیت پر زور دیا۔ملاقا ت کے بعد جاری اعلامیہ کے مطابق چیف جسٹس پاکستان نے سول سروس کا انتخاب کرنے والے افسران کو مبارک دی،چیف جسٹس یحیی آفریدی نے 1973 کے آئین سے 26ویں ترمیم تک آئینی تاریخ کا تعارف پیش کیا،اعلامیہ کے مطابق چیف جسٹس پاکستان نے اختیارات کی تقسیم اور آئین کی اہمیت پر زور دیا،رجسٹرار سپریم کورٹ نے وفد کو عدالتی امور اور اصلاحات سے متعلق بریفنگ دی۔اس موقع پر بتایا گیا کہ 57 ہزار 347 مقدمات سپریم کورٹ جبکہ 24 لاکھ مقدمات ملک بھر کی عدلیہ میں زیر التوا ہیں،رجسٹرار سپریم کورٹ نے کمزور طبقے پر توجہ دینے اور ٹیکنالوجی کے استعمال بارے آگاہ کیا۔
